Sintomatologia

EAren ezaugarri kliniko esanguratsuena bere aldakortasuna da. Hala ere, lesioak Nerbios Sistema Zentralaren hainbat puntuetan sarri agertzen dira.

Hasieran agertzen den sintomarik sarrienak sentsibilitatearen alterazioak (%45) izaten dira, txingurritasuna. Ondoren (%40) alterazio motorrak: indarraren galera gorputz-adarretan, ibiltzerakoan zailtasunak, etab. Ikusmenaren alterazioak ere %20 batean ematen dira eta %15a koordinazio falta edo oreka arazoekin hasten da. Esfinterren alterazioak edo osasun mentaleko arazoak ez dira ohikoenak izaten hasiera ematen diren sintomen artean.

Esklerosi Anizkoitzan askotan azaltzen den sintoma bat nekea izaten da. Ikustezina eta subjetiboa denez, tratatzeko sintomarik zailenetariko bat da. Agertzen denean familia, lagunak edo lankideen artean ulertu ezina izatea bihurtu daiteke. EAn nekea egiten den ariketarekiko gehiegizkoa izaten da.

Gaixotasunaren bilakaeraren arabera, arnasketan, mintzamenean eta irensketan alterazioak eman daitezke.

Batzuetan gernu aparatuan alterazioak eman daitezke: txiza egiten hasteko zailtasunak, komunera azkar iristeko beharra, txiza atxikitzeko zailtasunak, etab. Hau gertatuz gero oso garrantzitsua da ahal bezain laster medikura joatea arazoari konponbidea emateko, egunerokotasunean, batez ere gizarte arloan, kalte larriak sortu baititzake. Alterazio hauek ornomuinean agertzen diren zauriengatik eman ohi dira.

Dibujo

Creado por:

J.Leon